Ստամբուլում բերման են ենթարկվել գնաճի դեմ բողոքի ակցիայի տասնյակ մասնակիցներ
Թուրքիայում գնաճի հետևանքով առաջացած տնտեսական խնդիրների պատճառով, մայիսի մեկին՝ աշխատավորների միջազգային օրվան նվիրված ցույցի ժամանակ, ոստիկանությունը ձերբակալել է տասնյակ ցուցարարների:
Թուրքիայի հակախռովարար ոստիկանությունը տասնյակ ցուցարարների է ձերբակալել, որոնք փորձում էին հասնել Ստամբուլի Թաքսիմ գլխավոր հրապարակ՝ մայիսմեկյան ցույցեր իրականացնելու համար՝ ընդդեմ աննախադեպ գնաճով պայմանավորված տնտեսական դժվարությունների:
Ոստիկանությունը 30 մարդու է ձերբակալել Բեշիքթաշ շրջանում, 22 մարդու՝ Սիսլի շրջանում: Ստամբուլի նահանգապետի գրասենյակից հայտնել են, որ 164 ցուցարար է ձերբակալվել անօրինական ցույցեր անցկացնելու պատճառով:
Ըստ հաղորդման, վերջերս անցկացված սոցհարցման արդյունքները ցույց են տալիս, որ Թուրքիայում գնաճի տարեկան մակարդակն, ինչպես ակնկալվում էր, Ուկրանիայի պատերազմի պատճառով ապրիլին հասել է 68 տոկոսի և մինչև տարեվերջ մի փոքր կնվազի:
