Թուրքիան և Ադրբեջանը համատեղ զորավարժություն են անցկացնում

Թուրքիայի պաշտպանության նախարարությունը հայտարարել է այդ երկրի բանակի և Ադրբեջանի միջև համատեղ զորավարժությունների անցկացման մասին։

Անատոլու լրատվական գործակալության փոխանցմամբ, Թուրքիայի պաշտպանության նախարարությունը կիրակի օրը, զորավարժության պատկերները հրապարակելով, հայտարարել է, որ զորավարժությունը կայանում է Թուրքիայի հյուսիսարևելյան Կարս նահանգում:

Թուրքիայի և Ադրբեջանի միջև անցկացվող այս զորավարժությանը մասնակցած անձնակազմի, հնարավորությունների և զինտեխնիկայի մասին մանրամասներ չեն հաղորդվել: