ԱՄՆ զարգացած և ռազմական արդյունաբերություններում առկա մասնագետների պակաս
Politico ամսագիրը գրում է, որ ԱՄՆ բարձր տեխնոլոգիաների և ռազմական արդյունաբերության ոլորտում ամսնագետների բացակայությունը վտանգավոր գործոն է՝ Վաշինգտոնի դաշնակիցներին զենք մատակարարելու հարցում:
Politico հրատարակությունը ուրբաթ օրը գրել է. «ԱՄՆ հարավային Քեմդեն քաղաքում գտնվող Հայլանդ արդյունաբերական պարկում, որը ընդգրկում է պաշտպանական այնպիսի հայտնի ընկերություններ, ինչպիսիք են Lockheed Martin-ը և Ritan-ը, առկա է մասնագետների խիստ պակաս: Այս խնդիրը կարող է լուրջ հետևանքներ ունենալ Վաշինգտոնի դաշնակիցների համար՝ Ուկրաինային օգնելու հարցում և հետաձգել զորքերի համալրումը նոր հակամարտության դեպքում»:
Ամերիկյան պարբերականը գրել է. «Այդ պատճառով, պաշտպանական արդյունաբերության ղեկավարները Կոնգրեսին նախազգուշացրել են, որ կարող են տարիներ պահանջվել սպառված սպառազինությունների որոշ պաշարների փոխարինման համար, և դա մտավախություն է առաջացնում, որ կտուժի Ռուսաստանին կամ Չինաստանին զսպելու ամերիկյան զորքերի պատրաստվածությունը»:
