Ղազախստանը և Եվրոպան համագործակցում են էներգետիկ ոլորտում
Ղազախստանի նախագահը և ԵԽ նախագահը ստորագրել են ներդրումային համաձայնագիր՝ Աստանայում Վերականգնվող էներգիայի արտադրության և բաշխման կենտրոնի ստեղծման նախագծի վերաբերյալ։
Աստանա այցելած Եվրոպական խորհրդի նախագահ Շառլ Միշելի հետ հանդիպմանը, Ղազախստանի նախագահ Կասիմ Ժոմարտ Տոկաևն ասել է, որ Եվրամիության հետ ռազմավարական գործընկերության զարգացումը միշտ եղել է Ղազախստանի արտաքին քաղաքականության հիմնական առաջնահերթություններից մեկը։
Տոկաևը Եվրոպական խորհրդի նախագահի այցը Աստանա լավ հնարավորություն է համարել քննարկելու կողմերի կարևոր ձեռքբերումները փոխգործակցության բոլոր ոլորտներում և ասել. «Ղազախստանը Կենտրոնական Ասիայի առաջին և միակ երկիրն է, որը Եվրամիության հետ ստորագրել է լայնածավալ գործընկերության և համագործակցության համաձայնագիր»։
Անդրադառնալով Ղազախստանի և Եվրամիության միջև համագործակցության զարգացմանը՝ Եվրոպական խորհրդի նախագահ Շառլ Միշելն ընդգծել է տարածաշրջանային մակարդակով Եվրամիության և Ղազախստանի համատեղ համագործակցության կարևորությունը։
