Թուրքիայի ընտրություններում Էրդողանի մրցակիցը առաջ է անցել
Թուրքիայում նախագահական ընտրությունների թեկնածուների հրապարակումից հետո անցկացված առաջին հարցման արդյունքներով՝ «Արդարություն և զարգացում» իշխող կուսակցությունն այլևս առաջին տեղում չէ։
ԻՍՆԱ-ի հաղորդմամբ՝ «Մեդիա Տավա»-ի, Piar հետազոտական ինստիտուտի անցկացրած հարցման արդյունքներով պարզվել է, որ «Ազգային կոալիցիայի» թեկնածու Քամալ Քըլըչդարօղլուն հավաքել է ձայների 57,1 տոկոսը, իսկ Ռեջեփ Թայիփ Էրդողանը՝ 42,9 տոկոսը, ինչը ցույց է տալիս իշխող «Արդարություն և զարգացում» կուսակցության պարտությունը:
Մինչ այս հարցումները առաջին տեղում էր իշխող «Արդարություն և զարգացում» կուսակցությունը։
Հարցման մասնակիցներին հարցրել են, թե ո՞ր քաղաքական կուսակցությանը կքվեարկեին, եթե ընտրություններն անցկացվեին կիրակի օրը:
Թուրքիայում ընտրություններն ի սկզբանե նախատեսված էր անցկացնել հունիսի 18-ին, սակայն Էրդողանը ընտրությունների օրը հայտարարեց մեկ ամիս շուտ՝ մայիսի 14-ին՝ որպես պատճառ ներկայացնելով Հաջի արարողությունը, համալսարանի ընդունելության քննություններն ու ամառային արձակուրդը:
