Հունգարիան հայտարարել է, որ աշխարհը մոտ է Երրորդ համաշխարհային պատերազմին
Հունգարիան հայտարարել է, որ աշխարհը մոտ է Երրորդ համաշխարհային պատերազմին:
Հունգարիայի արտաքին գործերի եւ արտաքին տնտեսական կապերի նախարար Պետեր Սիյարտոն կարծում է, որ Երկրորդ համաշխարհային պատերազմի ավարտից հետո (1939-1945 թթ.) համաշխարհային անվտանգությունը երբեք այսքան վտանգված չի եղել, ինչպես հիմա: Այս մասին դիվանագետն ասել է Սաուդյան Արաբիայում «Իսլամական պետություն» ահաբեկչական կազմակերպության դեմ պայքարի միջազգային կոալիցիայի հանդիպման ժամանակ։
«Դեռ երբեք երրորդ համաշխարհային պատերազմի բռնկման նման վտանգ չի եղել , երբեք չի եղել միջուկային պոտենցիալների մասին նման բացահայտ հիշատակում, եւ երբեք չի եղել այնպիսի ահաբեկչական վտանգ, ինչպես հիմա», - Facebook-ի էջում հրապարակված է Սիյարտոյի խոսքը:
Որպես նման սպառնալիքներ նախարարը նշել է Ուկրաինայում հակամարտությունը, ինչպես նաեւ Մերձավոր Արեւելքում, Հյուսիսային Աֆրիկայում եւ Աֆղանստանում իրավիճակը ապակայունացնելու ԻՊ-ի փորձերը։
news.am
