Պուտին. Ռուսաստանում Ղուրանի նկատմամբ անհարգալից վերաբերմունքը համարվում է հանցագործություն
ՌԴ նախագահ Վլադիմիր Պուտինը հայտարարել է. «Մենք հարգում ենք Ղուրանը և մուսուլմանների կրոնական զգացմունքները: Ռուսաստանում Ղուրանի նկատմամբ անհարգալից վերաբերմունքը համարվում է հանցագործություն»։
Երեքշաբթի օրը Դաղստանի Հանրապետության Դարբանդ քաղաքի Ժումա մզկիթ կատարած այցի ժամանակ, Պուտինը, հավելել է. «Ինչպես Սահմանադրության, այնպես էլ ՌԴ Քրեական օրենսգրքի 282-րդ հոդվածի համաձայն՝ կրոնների նկատմամբ անհարգալից վերաբերմունքը և տարաձայնություն ստեղծելը հանցագործություն է, և մենք միշտ հարգել ենք օրենքը»:
Այցի ընթացքում Պուտինին տվել են Ղուրան, որը վերցնելուց հետո, նա ասել է. «Ռուսաստանը մեծ հարգանք է տածում Ղուրանի և մուսուլմանների կրոնական զգացմունքների նկատմամբ, և այս սուրբ գրքի հանդեպ անհարգալից վերաբերմունքը մեր երկրում հգամարվում է հանցագործություն: Սակայն բոլոր երկրներում այդպես չէ»:
Շվեդիայում տեղի ունեցած ակցիան, որի ժամանակ հակաիսլամիստներն այրել են Ղուրանի օրինակը, զայրացրել է աշխարհի մուսուլմաններին: