Իսրայելը փորձում է Ադրբեջանի միջոցով Կովկասում ավելի մեծ ազդեցություն ձեռք բերել

Անդրադառնալով Բաքու ներթափանցելու Սիոնիստական ռեժիմի փորձին՝ Հայաստանի Կիրառական քաղաքականության հետազոտությունների ինստիտուտի անդամ Սերգեյ Մելքոնյանն ասել է. «Ադրբեջանն ու Թուրքմենստանը, որոնք ցամաքային և ծովային սահման ունեն Իրանի հետ, համարվում են Իսրայելի դիվանագիտության առաջնահերթ ոլորտները»։

Մելքոնյանը Հարավային Կովկասում Իսրայելի և Ադրբեջանի միջև աճող համագործակցության մասին ասում է. «Նախկինում Իսրայելի և Ադրբեջանի հարաբերությունները հիմնականում տնտեսական և էներգետիկ ոլորտներում էին, մինչդեռ այսօր մեծ ուշադրություն է դարձվում ռազմատեխնիկական համագործակցությանն ու անվտանգության հարցերին։ Հետևաբար, Ադրբեջանը կարևոր դեր է խաղում Իսրայելի արտաքին քաղաքական ռազմավարության մեջ, որը կոչվում է «նոր ծայրամասային ռազմավարություն»։ Այն հիմնված է սերտ կապերի ստեղծման վրա այն երկրների հետ, որոնք մոտ են Իսրայելի անվտանգությանը սպառնացող ամենամեծ աղբյուրներին: Ադրբեջանն ու Թուրքմենստանը, որոնք Իրանի հետ ցամաքային ու ծովային սահման ունեն, ինչպես նաև Պարսից ծոցի երկրները, համարվում են Իսրայելի դիվանագիտության առաջնահերթ ոլորտներ»։

Մելքոնյանը շարունակում է. «Այն բանից հետո, երբ 2020 թվականին Ադրբեջանը վերահսկողության տակ առավ Լեռնային Ղարաբաղի շրջանի մի մասը, Իրանի և Ադրբեջանի միջև սահմանն ավելացավ մոտ 100 կիլոմետրով, և Իսրայելին հնարավորություն տրվեց մուտք գործել Իրանից 7 կմ հեռավորության վրա գտնվող  վայրեր, որտեղ հնարավոր է իրականացնել դիտարկումներ և գաղտնալսումներ»:

Իսրայելն այսօր ոչ պաշտոնապես աջակցում է «Զանգեզուրի» միջանցքի բացմանը, որը թուրք-ադրբեջանական նախագիծն է, և որի նպատակն է Հայաստանի տարածքով երկու երկրների միջև ուղիղ անցում ստեղծել։ Այս նախագծի իրականացումը կհանգեցնի Ադրբեջանի տարածքով Իրանի սահմանին մոտ գտնվող տարածքներում Թուրքիայի ազդեցության զգալի ավելացմանը»։

Անդրադառնալով 2020 թվականի Ղարաբաղյան պատերազմին, Մելքոնյանը հավելել է. «Իսրայելը եղել է կողմերից մեկը և շատ կարևոր դեր է խաղացել Ադրբեջանին այս պատերազմին նախապատրաստելու և  աջակցելու գործում»։