Ուկրաինայի անդամակցությունը ՆԱՏՕ-ին սպառնալիք կստեղծի Ռուսաստանի անվտանգության համար. Պուտին
Ուկրաինայի անդամակցությունը Հյուսիսատլանտյան դաշինքին (ՆԱՏՕ) վտանգ կստեղծի Ռուսաստանի անվտանգության համար, հատուկ ռազմական գործողության մեկնարկի պատճառներից մեկն Ուկրաինայի՝ ՆԱՏՕ մտնելու սպառնալիքն է։
Այս մասին «Ռոսիա-24» հեռուստաալիքի եթերում հայտարարել է ՌԴ նախագահ Վլադիմիր Պուտինը։
«Ինչ վերաբերում է ՆԱՏՕ-ին Ուկրաինայի անդամակցությանը, ապա մենք բազմիցս ասել ենք, որ դա ակնհայտորեն վտանգ է ներկայացնում Ռուսաստանի անվտանգության համար»,- ասել է նա:
«Եվ, փաստորեն, հատուկ ռազմական գործողության պատճառներից մեկը Ուկրաինայի՝ ՆԱՏՕ-ին անդամակցելու սպառնալիքն է»,- ասել է Վլադիմիր Պուտինը։
«Վստահ եմ, որ ՆԱՏՕ-ին անդամակցելը չի բարձրացնի բուն Ուկրաինայի անվտանգությունը, և ընդհանրապես աշխարհը շատ ավելի խոցելի կդարձնի և կհանգեցնի լրացուցիչ լարվածության միջազգային ասպարեզում»,- հավելել է նախագահը։
