Իրանի դեմ պատժամիջոցները ոչ մի ազդեցություն չունեն.Ռաշա Թուդեյ
Ռաշա Թուդեյ լրատվական ալիքն իր վերլուծական զեկույցում անդրադառնալով միջազգային և տնտեսական ոլորտներում Իրանի արձանագրած վերջին հաջողություններին ընդգծել է,-«Թեհրանի դեմ Բրիտանիայի նոր պատժամիջոցները մեծ ազդեցություն չեն կարող ունենալ և դա անհեթեթ քայլ է»:
Ռաշա Թուդեյ լրատվական ալիքն իր զեկույցում անդրադառնալով Իրանի հետ միջուկային համաձայնագրից ԱՄՆ-ի միակողմանի դուրս գալուն և այս երկրի դեմ խիստ տնտեսական պատժամիջոցների վերականգնմանը, ընդգծել է,-«Քանի որ Բրիտանիան, ի տարբերություն իր դաշնակից ԱՄՆ-ի, առանձնահատուկ դիրք չունի համաշխարհային տնտեսության մեջ, դժվար թե այդ պատժամիջոցները օգնեն առկա վիճակի փոփոխմանը»:
Ռաշա Թուդեյը, Իրանի դեմ Բրիտանիայի պատժամիջոցների անարդյունավետության պատճառը համարել է տնտեսական և միջազգային ասպարեզում Իրանի վերջին ձեռքբերումները և գրել,-« Իրանը վերջերս ընդունվել է որպես Շանհայի համագործակցության կազմակերպության (ՇՀԿ) լիիրավ անդամ։ Իսլամական Հանրապետությունը ուղիներ է փնտրում նվազեցնելու համաշխարհային տնտեսությունից հեռու մնալու վերջին տարիների ազդեցությունը, ինչին Շանհայի կազմակերպության անդամ լինելը կարող է օգնել:Թեհրանը նույնպես ակնկալում է տեղ ունենալ BRICS տնտեսական դաշինքում, որին աջակցել են բոլոր անդամ երկրները։ Բացի այդ, Իրանն ու Ռուսաստանը համաձայնագիր են ստորագրել Հյուսիս-Հարավ միջազգային տրանսպորտային միջանցքի (INSTC) շրջանակներում երկաթուղային գծի կառուցման մասին: Իրանում ներդրումներն ավելացել են, աճում է նաև երկրի միջազգային համագործակցությունը,որը նրան թույլ է տալիս իր ուղին շարունակել Արևմուտքի թելադրանքից հեռու։
Ռուսաստանի Ռաշա Թուդեյ լրատվական ալիքն ի պատասխան այն հարցին ,որ եթե Իրանի դեմ նոր պատժամիջոցները անազդեցիկ են, ապա Լոնդոնն ինչ պատճառով է դրանք կիրառում, ընդգծել է,-«Հավանականություն կա, որ ԱՄՆ-ն և նրա արևմտյան գործընկերները զայրացած են Իրանի հաջողությունների պատճառով, ուստի նրանք ճանապարհ են փնտրում նրան թուլացնելու կամ զայրացնելու համար»։