ԱՄՆ դոլարն անկում է ապրում
Ամերիկյան Heritage Foundation վերլուծական կենտրոնը ԱՄՆ դոլարի միջազգային հեղինակության մասին իր վերջին զեկույցում հայտարարել է, որ ԱՄՆ դոլարը անկման ճանապարհին է։
Parstoday-ի հայերեն բաժնի փոխանցմամբ՝ Heritage Foundation-ը ,որը ԱՄՆ-ի հանրային քաղաքականության ամենազդեցիկ կենտրոններից է համարվում, դոլարի միջազգային հեղինակության մասին իր վերջին զեկույցում հայտարարել է, -«ԱՄՆ կառավարությունը դոլարն օգտագործում է որպես զենք, և աշխարհի մյուս երկրները ԱՄՆ-ի այս քաղաքականության պատճառով փորձում են վերանայել դոլարի նկատմամբ իրենց վստահությունը»:
Ակտիվիստ և տնտեսական վերլուծաբան Թոմ Բիլյուի կարծիքով՝ ժողովուրդները հեռանում են ԱՄՆ դոլարից, ԱՄՆ կառավարությունը պետք է զգույշ լինի իր վարքագիծը շարունակելու հարցում, որը նվազեցրել է դոլարի արժեքն ու հեղինակությունը։
Ամերիկացի կապիտալիստ և տնտեսական ակտիվիստ Ռեյմոնդ Դալիոն այս մասին ասել է.- Երբ ԱՄՆ-ի ամենամեծ զենքը պատժամիջոցներն են, և նա ի վիճակի է սառեցնել այլ մարդկանց ակտիվները, բնականաբար, երկրների՝ դոլարին վստահելու պատճառ չկա, ուստի մենք տեսնում ենք, որ աստիճանաբար աշխարհում մեծ ու շատ գործարքներ կատարվում են այլ արտարժույթներով»։