Լավրովն ու Բայրամովը քննարկել են հայ-ադրբեջանական հարաբերությունների կարգավորումը
Հուլիս 21, 2023 14:11 Asia/Tehran
Ադրբեջանական նախաձեռնությամբ կողմի հուլիսի 21-ին հեռախոսազրույց է կայացել Ռուսաստանի արտաքին գործերի նախարար Սերգեյ Լավրովի և Ադրբեջանի արտաքին գործերի նախարար Ջեյհուն Բայրամովի միջև։
Այս մասին հաղորդում է «Արմենպրես»-ը՝ վկայակոչելով ՌԴ արտաքին գործերի նախարարության տարածած հաղորդագրությունը։
Նշվում է, որ նախարարները քննարկել են Ռուսաստանի, Հայաստանի և Ադրբեջանի ղեկավարների պայմանավորվածությունների հիման վրա հայ-ադրբեջանական հարաբերությունների կարգավորման առանցքային հարցերի շուրջ համատեղ աշխատանքի ակտիվացման ուղիները։
Կողմերը նաև պայմանավորվել են հետագա շփումների մասին։