«Ադրբեջանական հողում» վնասազերծել ենք հայկական կողմի լսողական սարքերը. պնդում է Բաքուն
Ադրբեջանի Հանրապետությունը պնդում է, որ Հայաստանը «ադրբեջանական հողում» ահաբեկչական և դիվերսիոն գործողություններ իրականացնելու համար գաղտնալսող սարքեր է տեղադրել, սակայն Բաքուն դրանք վնասազերծել է։
«Հայկական անօրինական զինված կառույցները Ադրբեջանի տարածքում, որտեղ ժամանակավորապես տեղակայված են ռուսական խաղաղապահ ուժերը, ադրբեջանական բանակի ստորաբաժանումների դեմ ահաբեկչական և դիվերսիոն գործողություններ իրականացնելու նպատակով, տեղադրել են դիտարկման և գաղտնալսող տեխնիկական սարքեր Ղարաբաղի տնտեսական շրջանում». պնդել են Ադրբեջանի Հանրապետության զինված ուժերը։
Ադրբեջանի ԶՈՒ-ն նաև հավելել է. «Մեր զինված ուժերի անվտանգությունն ապահովելու նպատակով օգոստոսի 21-ին ձեռնարկված միջոցառումների արդյունքում վնասազերծվել են հայկական անօրինական զինված խմբավորումներին պատկանող մոտ 30 դիտարկման և գաղտնալսման տեխնիկական սարքեր»։