Ռաբաթում զանգվածային երթ է տեղի ունեցել՝ Մարոկո-Իսրայել հարաբերությունները խզելու պահանջով
Հազարավոր ցուցարարներ կիրակի օրը Ռաբաթում կազմակերպել են պաղեստինամետ ամենախոշոր երթերից մեկը Գազայի պատերազմի սկսվելուց ի վեր՝ պահանջելով խզել Մարոկոյի կապերը Իսրայելի հետ, հայտնում է Reuters-ը։
Ցուցարարները ծածանել են պաղեստինյան դրոշներ և պաստառներ պահել՝ «դիմադրություն մինչև հաղթանակ», «դադարեցնել Մարոկոյի կառավարության կողմից Իսրայելի հետ հարաբերությունների կարգավորումը» և «ազատագրեք Պաղեստինը» կարգախոսներով։
Կիրակի օրվա երթի մասնակիցները նաև կոչ են արել բոյկոտել ապրանքանիշերը, որոնց նրանք մեղադրում են Իսրայելին աջակցելու մեջ:
Մարոկոն համաձայնել է ամրապնդել կապերը Իսրայելի հետ 2020 թվականին՝ որպես ԱՄՆ վարչակազմի միջնորդությամբ այն ժամանակվա նախագահ Դոնալդ Թրամփի օրոք կնքված գործարքի մաս, որը ներառում էր նաև Վաշինգտոնի ճանաչումը Մարոկոյի ինքնիշխանությունը Արևմտյան Սահարայի վիճելի տարածքի նկատմամբ:
Թեև Մարոկոն և Իսրայելը դեռևս չեն ավարտել միմյանց երկրներում լիիրավ դեսպանատներ հիւմնելու գործընթացը, ինչպես պայմանավորվել էին, նրանք ավելի մերձեցան՝ ստորագրելով պաշտպանական համագործակցության պայմանագիր:
