ԱՄՆ-ում շարունակվում են պաղեստինցիների աջակցության ցույցերը
Լոս Անջելեսում և Նյու Յորքում կայացած ակցիաների մասնակիցները նախատոնական օրերին փակել են երկու մարդաշատ օդանավակայաններ տանող ճանապարհները պահանջելով ուշադրություն դարձնել Գազայի վրա Իսրայելի հարձակումներին։
Ամերիկյան ԶԼՄ-ները հայտնում են, որ ցուցարարները փակել են Լոս Անջելեսի միջազգային օդանավակայան և Նյու Յորքի Ջոն Քենեդու անվան միջազգային օդանավակայան տանող ճանապարհները:
Նրանք պահանջել են ամերիկյան կառավարությունից, որը հսկայական ռազմական օգնություն է ցուցաբերել Սիոնիստական ռեժիմին, «հեռու մնալ օկուպացված տարածքներում իրականացվող ցեղասպանությունից»:
Սոցիալական ցանցերում տարածված պատկերներում երևում է, որ ոստիկանությունը ձերբակալել է մի խումբ ցուցարարների և բացել ճանապարհները: Հաղորդվում է, որ Լոս Անջելեսում ձերբակալել է 35, իսկ Նյու Յորքում՝ 26 քաղաքացի: Որոշ լրատվական գործակալություններ, հղում անելով ամերիկյան ոստիկանությանը, հաղորդել են, որ ձերբակալվածների թիվը 60-ից ավելի է։
Գազայի պատերազմի դեմ բողոքող ցուցարարները Նյու Յորքում խափանել են նաև Գոհաբանության օրվա կապակցությամբ կազմակերպված արարողուիթյունը:
Գազայում Սիոնիստական ռեժիմի վարած պատերազմը շարունակվում է արդեն 80 օր: Պատերազմի հետևանքով մինչ այժմ նահատակվել է ավելի քան 21300 պաղեստինցի, որոնց 70%-ը եղել են երեխաներ ու կանայք:
