ՄԱԿ. ԱՄՆ-ն խոչընդոտում է Գազայի հատվածում խաղաղության հաստատմանը
ՄԱԿ-ի մարդու իրավունքների հանձնակատարի ներկայացուցիչը հայտարարել է, որ Սիոնիստական ռեժիմի կողմից Գազայի հատվածը ռմբակոծելու համար որևէ արդարացում չկա, և ԱՄՆ-ն խոչընդոտում է Գազայի հատվածում խաղաղության հաստատմանը:
ԻՌՆԱ-ի հաղորդմամբ՝ 2023-ին Պաղեստինի իրավիճակի վերաբերյալ ԱԽ վերջին նիստում, որը կայացել է ուրբաթ օրը, Մարվան Մեշերը հայտարարել է, որ ԱՄՆ-ն Գազայի հատվածում հրադադարի հաստատման գլխավոր խոչընդոտն է:
Արևմտյան Ասիայի, Ասիայի և Խաղաղ օվկիանոսի հարցերով ՄԱԿ-ի գլխավոր քարտուղարի օգնական Խալիդ Մոհամմադ Ալ-Խիարին նույնպես կրկնել է ՄԱԿ-ի գլխավոր քարտուղար Անտոնիո Գուտերեշի խնդրանքը՝ Գազայում անհապաղ մարդասիրական հրադադարի հաստատման վերաբերյալ, հավելելով, որ Գազայի հատվածի դեմ Սիոնիստական ռեժիմի հարձակումները կարող են տարածվել տարածաշրջանում:
Միևնույն ժամանակ, ՄԱԿ-ի գլխավոր քարտուղարի հումանիտար հարցերով տեղակալ և շտապ օգնության համակարգող Մարտին Գրիֆիցը դատապարտել է Իսրայելի հարձակումը Գազայի հատված մեկնող օգնության շարասյան վրա և ասել, որ հումանիտար աշխատողների վրա հարձակումն անօրինական է։
