Փարիզում մայիսմեկյան ցույցի ժամանակ ոստիկանները մահակներ են կիրառել, կան տուժածներ

Ոստիկանները մարդկանց գցել են գետնին, մի քանի մարդ վիրավորվել է։ Փարիզում մայիսմեկյան երթի ժամանակ անկարգություններ են սկսվել, ոստիկանները մահակներով հետ են մղել երթի մասնակիցներին, կան վիրավորներ, հայտնում է ՌԻԱ Նովոստիի թղթակիցը։

Ցուցարարներն սկսել են կոտրել ապակե ցուցափեղկերն ու ավտոբուսների կանգառները:

Ոստիկանությունը միջամտել է։ Արմատականները սկսել են ճայթրուկներ պայթեցնել և ապակե շշեր նետել։

Ոստիկանները մահակներով սկսել են հետ մղել ցուցարարներին, նրանց գցել են գետնին, մի քանի մարդ վիրավորվել է։

Փարիզի ոստիկանության պրեֆեկտուրայի տվյալներով՝ ցույցի մեկնարկից առաջ բերման է ենթարկվել 15 մարդ։ Ընդհանուր առմամբ խուզարկվել է մոտ 500 անձ, առգրավվել են դանակներ և կռփազենքներ։

Նախկինում հաղորդվում էր, որ բազմաթիվ ցուցարարներ իրենց ձեռքում պահել են պաղեստինյան դրոշներ, «դեղին բաճկոնների» շարժման բազմաթիվ կողմնակիցներ կան։ Նրանք վանկարկել են ՝ «Մենք այստեղ ենք, մենք այստեղ ենք՝ ի պատիվ աշխատողների, նույնիսկ եթե Մակրոնը դա չի ուզում»։

Մայիսի 1-ին Ֆրանսիայում ավանդաբար ցույցեր են անցկացվում։ Իրավապահների տվյալներով՝ ընդհանուր առմամբ հայտարարվել է 270 ակցիա անցկացնելու մասին, որոնց մասնակցում է 130-ից 150 հազար մարդ։ Փարիզի ոստիկանության պրեֆեկտուրայի տվյալներով՝ մայրաքաղաքում երթերի կմասնակցի 15-ից 30 հազար մարդ։