Հոլանդացի փաստաբանները Նեթանյահուին ձերբակալելու հայց են ներկայացրել
Հոլանդացի մի խումբ փաստաբաններ Հաագայի դատարան ներկայացրած հայցով պահանջել են արձակել Նեթանյահուի և իսրայելցի այլ պաշտոնայների ձերբակալության վճիռ։
Միջազգային քրեական դատարանը ստեղծվել է 1998 թվականին հաստատված Հռոմի ստատուսի հիման վրա՝ ցեղասպանության, մարդկության դեմ հանցագործությունների, ռազմական հանցագործությունների գործերը քննելու նպատակով։
Իսրայելն ու ԱՄՆ-ն ստորագրել են Հռոմի ստատուսը, սակայն Միջազգային դատարանի անդամ չեն դարձել։
Փետրվարին ՀԱՀ-ը Իսրայելի դեմ հայց ներկայացրեց Միջազգային քրեական դատարան, որից հետո դատարանը որոշում կայացրեց, որ «Սիոնիստական ռեժիմը պետք է իր գործողությունների ամենամսյա հաշվետվություն ներկայացնի դատարան»։
Սակայն ռեժիմը ոչ միայն անտեսում է այդ վճիռը, այլ շարունակում է ռազմական գործողությունները Գազայի հատվածում։ Նեթանյահուի ռազմական մեքենան այս անգամ շարժվում է Ռաֆահի ուղղությամբ՝ իրականացնելու նոր հանցագործություններ։
Օրերս ԶԼՄ-ներում տարածվեցին լուրեր, որ Նեթանյահուի և իսրայելցի պաշտոնյաների վճիռն առաջիկայում կկայացվի։ Իսկ այդ հանգամանքը անասելի մեծ ճնշում է գործադրում Նեթանյահուի վրա և լրջորեն վնասելու է ռեժիմի միջազգային հեղինակությանը։
Նեթանյահուն փորձում է կանխել դատարանի վճռի արձակումը, փորձելով այդ հարցում ստանալ Բայդենի վարչակազմի աջակցությունը։
Օրերս Միջազգային քրեական դատարանի գրասենյակը հայտարարել է, որ հետաքննությունը շարունակվում է, հավելելով, որ դատարանը տեղյակ է Գազայի պատերազմի գործով հետաքննության վերաբերյալ պաշտոնական և ոչ պաշտոնական մտահոգություններին։
Գրասենյակը կոչ է արել խուսափել դատարանի պաշտոնյաներին սպառնալու և նրանց աշխատանքը խոչընդոտելուն ուղղված ջանքերը, հավելելով, որ դատարանի անկախությունն ու անկողմնակալությունը խարխլվում է, երբ առկա է հաշվեհարդարի սպառնալիք նրա պաշտոնյաների նկատմամբ։
Հայտարարության մեջ նաև ասված է, որ Հռոմի ստատուսի համաձայն՝ սպառնալիքը, նույնիսկ առանց գործողությունների, համարվում է հանցագործություն՝ արդարադատության իրականացման դեմ։
Ավելի վաղ, տեղյակ աղբյուրները հայտնել էին, որ Միջազգային քրեական դատարանի դատախազը հանդիպել է Գազայի հատվածի հյուսիսում գտնվող Ալ-Շաֆա և հարավում գտնվող Նասեր հիվանդանոցների բուժանձնակազմի հետ։
Տեղյակ աղբյուրները, խնդրելով չհրապարակել իրենց անունները, նշել են, որ Գազայի հատվածում ռազմական հանցագործությունների, մարդկության դեմ հանցագործությունների, բռնաբարությունների և ցեղասպանության վերաբերյալ հետաքննությանը զուգահեռ, դատարանը զբաղվում է նաև հիվանդանոցներում տեղի ունեցած միջադեպերի հարցով։
ՀԱՀ և Նիդերլանդների իրավաբանների գործողությունները պետք է օրինակ լինեն այլ երկրների իրավաբանների համար, որպեսզի Նեթանյահուի և նրա ռեժիմի վրա ճնշում գործադրելով կանգնեցնեն նրանց մարդասպան մեքենան։
Al Jazeera
Mehr լրատվական գործակալություն