Դիվանագետներն ու ՄԱԿ-ի պաշտոնյաները հարգանքի տուրք են մատուցել ԻԻՀ նախագահին
ՄԱԿ-ում տարբեր երկրների դեսպանները, ներկայացուցիչներն ու պաշտոնյաներն այցելել են կազմակերպությունում ԻԻՀ ներկայացուցչություն և հարգանքի տուրք մատուցել Էբրահիմ Ռայիսիի և նրա ուղեկիցների հիշատակին։
ԻՌՆԱ-ի հաղորդմամբ՝ աշխարհի մոտ հարյուր երկրների դեսպաններ և ներկայացուցիչներ, ինչպես նաև միջազգային պաշտոնյաներ, այդ թվում՝ Անտոնիո Գուտերեշը, գլխավոր քարտուղարի տեղակալ Ամինա Մոհամմադը, ՄԱԿ-ի Գլխավոր ասամբլեայի նախագահ Դենիս Ֆրենսիսը, միջազգային կազմակերպությունների ներկայացուցիչներ, կրոնական գործիչներ ու ակտիվիստներ, ինչպես նաև ՄԱԿ-ին կից լրատվամիջոցների ներկայացուցիչներ, այցելել են կազմակերպությունում ԻԻՀ ներկայացուցչություն և հարգանքի տուրք մատուցել Էբրահիմ Ռայիսիի և նրա ուղեկիցների հիշատակին։
ՄԱԿ-ի Գլխավոր ասամբլեան՝ Դենիս Ֆրենսիսի նախագահությամբ, մեկ րոպե լռությամբ հարգել է Իրանի նահատակ նախագահ Սեյեդ Էբրահիմ Ռայիսիի և նրա ուղեկիցների, այդ թվում՝ ԱԳ նախարար Հոսեյն Ամիր Աբդոլլահյանի հիշատակը:
Իսկ մայիսի 30-ին, ՄԱԿ-ում կանցկացվի հիշատակի արարողություն։
ՄԱԿ-ի Անվտանգության խորհուրդը և Չմիավորման շարժման դեսպանները նույնպես մեկ րոպե լռությամբ հարգել են Իրանի նախագահի և արտաքին գործերի նախարարի հիշատակը։
Միավորված ազգերի կազմակերպության դրոշը կիսով չափ իջեցվել է։