Ռուսաստան. Ամերիկան գործնականում մտել է պատերազմի մեջ
ParsToday- Ռուսաստանի արտաքին գործերի նախարարությունը հայտնել է Մոսկվայում ամերիկյան դեսպանին կանչելու մասին։
ՌԴ ԱԳՆ-ն հայտարարել է, որ Սևաստոպոլում տեղի ունեցած ահաբեկչական հարձակումից հետո կանչել է Մոսկվայում ԱՄՆ դեսպանին։
Ըստ ParsToday-ի՝ Ռուսաստանի արտաքին գործերի նախարարությունը ԱՄՆ դեսպանին կանչելու ժամանակ ընդգծել է, որ Վաշինգտոնը գործնականում դարձել է հակամարտության կողմ՝ ուկրաինական ուժերին զենք տրամադրելով։
Կիրակի օրը ՌԴ ՊՆ-ն ընդգծել է, որ Սևաստոպոլում խաղաղ բնակիչների վրա հրթիռային հարձակման պատասխանատվությունն առաջին հերթին ԱՄՆ-ի ուսերին է, և հայտարարել է, որ ամերիկյան բոլոր օպերատիվ-մարտավարական հրթիռները արձակվել են այս երկրի մասնագետների կողմից՝ նրանց արբանյակային հետախուզական տվյալների հիման վրա:
Կիրակի օրը Ուկրաինան հարձակվել է Ռուսաստանի Սևաստոպոլ քաղաքի քաղաքացիական ենթակառուցվածքների վրա՝ օգտագործելով կասետային զինամթերքով հագեցած «Աթքամս» (ATACMS) մարտավարական հրթիռներ։ Ռուսաստանի հակաօդային պաշտպանությունը չորս հրթիռ է խոցել, սակայն հինգերորդը պայթել է քաղաքի վրա։ Այս հարձակման հետևանքով զոհվել է չորս մարդ, այդ թվում՝ երկու երեխա, վիրավորվել՝ 150-ը։