Ռուսաստանը սպառնացել է Իսրայելին
Ռուսաստանն Իսրայելին զգուշացրել է՝ Ուկրաինային ՀՕՊ համակարգի մատակարարման հետևանքների կապակցությամբ։
ՄԱԿ-ում Ռուսաստանի մշտական ներկայացուցիչ Վասիլի Նեբենզյան նախազգուշացրել է Իսրայելի ռեժիմին Ուկրաինային ամերիկյան արտադրության հակաօդային պաշտպանության համակարգի մատակարարման հետևանքների մասին՝ հայտարարելով, որ Ուկրաինա ուղարկվող զենքերը, անկախ ուղարկողից, կոչնչացվեն։
Pars Today-ի, հաղորդմամբ՝ Նեբենզյան հայտարարել է, որ Իսրայելի կողմից Patriot հրթիռային համակարգերի հնարավոր փոխանցումն Ուկրաինա կարող է որոշակի քաղաքական հետևանքներ ունենալ ռեժիմի համար։
Անցյալ շաբաթ Financial Times-ը հայտնել էր, որ Միացյալ Նահանգները, Իսրայելը և Ուկրաինան բանակցում են Թել Ավիվից Կիև ութ Patriot հակաօդային պաշտպանության համակարգեր մատակարարելու շուրջ:
Ըստ այդ հոդվածի՝ Patriot-ները նախ Թել Ավիվից կուղարկվեն ԱՄՆ, իսկ հետո կտրամադրվեն Ուկրաինային։ Ռուսաստանի և Ուկրաինայի միջև 2022 թվականի փետրվարին սկսված պատերազմի ընթացքում Սիոնիստական ռեժիմը Ուկրաինային ցուցաբերել է միայն ոչ ռազմական օգնություն։
Ռուսաստանը բազմիցս զգուշացրել է Ուկրաինային օտարերկրյա զենք մատակարարելու կապակցությամբ, նշելով, որ դա միայն երկարացնում է պատերազմը և չի ազդում դրա վերջնական արդյունքի վրա։