Աշխարհը երրորդ համաշխարհային պատերազմի շեմին է. Թրամփ
ԱՄՆ նախագահի հանրապետական թեկնածու Դոնալդ Թրամփը համոզված է, որ աշխարհը երրորդ համաշխարհային պատերազմի շեմին է։
«Մեր մոլորակը երրորդ համաշխարհային պատերազմի շեմին է. Եվ դա կլինի պատերազմ, որը նման չէ որևէ նախկին պատերազմի՝ զենքի պատճառով»,- ասել է նա հինգշաբթի երեկոյան Միլուոկիում Հանրապետականների ազգային համագումարում: Այս ելույթում, որը դարձել է ազգային կուսակցական հանրահավաքի գագաթնակետը, Թրամփը համաձայնել է նոյեմբերին կայանալիք ընտրություններում ԱՄՆ նախագահի պաշտոնում առաջադրվել որպես հանրապետական։
«Զենքն այլևս տանկերը չեն, որոնք ետ ու առաջ են քշում և կրակում միմյանց վրա։ Սա ոչնչացման զենք է»,- ընդգծել է Թրամփը։ Նա նշել է, որ աշխարհն ապրում է այնպիսի միջազգային ճգնաժամ, որը նախկինում երբեք չի ապրել։ «Եվրոպայում և Մերձավոր Արևելքում պատերազմ է ընթանում: Հակամարտության ուրվականը շրջում է Թայվանի, Կորեայի, Ֆիլիպինների և ամբողջ Ասիայի վրա»,- հավելել է Թրամփը։
Նա պնդել է, որ նախագահ դառնալու դեպքում կարող է վերջ դնել բոլոր խոշոր միջազգային հակամարտություններին։ «Ես վերջ կտամ բոլոր միջազգային ճգնաժամերին, որոնք ստեղծվել են այս վարչակազմի կողմից, ներառյալ սարսափելի պատերազմը Ռուսաստանի և Ուկրաինայի միջև, որը չէր լինի, եթե ես լինեի նախագահ»:- ընդգծել է հանրապետականը։
