Մեկնարկել է BRICS միջազգային քաղաքային ֆորումի նիստը՝ Իրանի ներկայությամբ
Ռուսաստանի մայրաքաղաք Մոսկվայում մեկնարկել է BRICS խմբի 6-րդ միջազգային քաղաքային ֆորումի նիստը` Իրանի Իսլամական Հանրապետության և այս խմբի մյուս անդամ և գործընկեր երկրների ներկայացուցիչների ներկայությամբ:
ԻՌՆԱ-ի հաղորդմամբ՝ BRICS խմբի 6-րդ միջազգային քաղաքային ֆորումի պաշտոնական արարողությանը, որն ուղեկցվել է Ռուսաստանի Դաշնության խորհրդի փոխնախագահի ելույթով և ՌԴ ԱԳ նախարար Սերգեյ Լավրովի տեսաուղերձի հեռարձակմամբ, ներկա է եղել նաև Թեհրանի Իսլամական քաղխորհրդի ղեկավար Մեհդի Չամրանը:
BRICS -ի անդամ պետությունների քաղաքների միջազգային ֆորումի երկօրյա նիստի առանցքում են՝ ասիական, միջինարևելյան, լատինամերիկյան և աֆրիկյան երկրների հետ տարբեր ոլորտներում ցանցային համագործակցության հաստատումն ու զարգացումը և կլիմայական օրակարգը։
Այս հանդիպման հիմնական նպատակն է զարգացնել միջքաղաքային և միջխորհրդարանական միջազգային համագործակցությունը և փոխել մակրոքաղաքականությունների կայուն զարգացման նորարարական մեթոդները։
Այս միջոցառմանը աջակցում են Ռուսաստանի Դաշնության Նախագահությունը, Ռոսկոնգրես հիմնադրամը, Ռուսաստանի արտաքին գործերի նախարարությունը և Կրեմլի պալատը։
Նախատեսված է Թեհրանի Իսլամական քաղխորհրդի ղեկավարը ելույթով հանդես գալ ֆորումի բացման արարողությանը և BRICS-ի անդամ երկրների մայրաքաղաքների և մետրոպոլիաների մակարդակով խորհրդարանական դիվանագիտության զարգացման երկու հանդիպումներին և BRICS-ի միջազգային ֆորումի կլիմայական օրակարգային հանդիպմանը։
BRICS խմբի միջազգային քաղաքային ֆորումը 2020 թվականից ներառվել է BRICS միջազգային ասոցիացիային մասնակցող երկրների միջոցառումների պաշտոնական օրացույցում, և կազմակերպիչների հայտարարության համաձայն՝ այս երկօրյա միջոցառմանը մասնակցում են մոտ հինգ հազար ներկայացուցիչներ ավելի քան 100 երկրներից և Ռուսաստանի 80 շրջաններից:
