Նեպալում ջրհեղեղի զոհ է դարձել առնվազն 112 մարդ. ԶԼՄ
Բագմատի գետը և նրա բազմաթիվ վտակներ, որոնք հոսում են Կատմանդուի միջով, դուրս են եկել ափերից՝ հեղեղելով մոտակա տներն ու տրանսպորտային միջոցները։
Վերջին 54 տարվա ընթացքում ամենաուժեղ անձրևների հետևանքով առաջացած հեղեղումների հետևանքով Նեպալում առնվազն 112 մարդ Է զոհվել, 64-ը՝ անհետ կորել, հաղորդում է ՌԻԱ Նովոստին՝ վկայակոչելով Kathmandu Post-ը:
«Նեպալի ոստիկանությունն և զինված ուժերի կենտրոնակայանը հաստատում են, որ ջրհեղեղի հետևանքով ամբողջ երկրում 112 մարդ է զոհվել», - հայտնում է պարբերականը:
Նեպալի ՆԳՆ-ի տվյալներով՝ սեպտեմբերի 28-ի երեկոյան անհետ կորել է ևս 68 մարդ, իսկ ավելի քան 100-ը վիրավորվել են:
Իշխանությունները նշում են, որ տարերքից տուժած շրջաններում որոնողական գործողությունների արդյունքում զոհերի թիվը կարող է աճել: Ներքին գործերի նախարարությունը հայտարարել է, որ որոնողափրկարարական գործողություններ իրականացնելու համար կառավարությունը մոբիլիզացրել է անվտանգության ծառայության ավելի քան 20 հազար աշխատակցի: Նեպալի բանակը նույնպես մասնակցում է փրկարարական գործողություններին:
Ինչպես հաղորդում է երկրի օդերևութաբանական բյուրոն, 24 ժամվա ընթացքում Կատմանդուի հովտում տեղացել է 240 միլիմետր տեղում: Զեկույցում ասվում է, որ սա ամենահորդառատ անձրևն է, որը գրանցվել է մայրաքաղաքում առնվազն 1970 թվականից ի վեր:
