Բրիտանացի պատգամավոր. Անպատժելիությունն Իսրայելին ավելի համարձակ է դարձրել
Քննադատելով Սիրիայում Իսրայելի հարձակումները, բրիտանացի պատգամավորը հայտարարել է, որ Գազայի պատերազմում անպատժելիությունը քաջություն է տվել Թել Ավիվին։
Հղում անելով ԻՌՆԱ-ին, «Սահաբ» գործակալությունը հաղորդում է, որ Բրիտանիայի խորհրդարանում արևելյան Լիդսի ներկայացուցիչ Ռիչարդ Բերգենը, ով վերջերս Սիոնիստական ռեժիմը բոյկոտելու մասին օրինագիծ է ներկայացրել խորհրդարան, X-ում արած գրառման մեջ նշել է․ «Իսրայելը դառնում է ավելի համարձակ, քանի որ չի բախվում Գազայի հատվածում կրկնվող ռազմական հանցագործությունների հետևանքների հետ։ Դրա օրինակն է իսրայելական ուժերի մուտքը սիրիական տարածք, նույնիսկ օկուպացված Գոլանի բարձունքներից այն կողմ։
Բերգենը հավելել է, որ անհրաժեշտ է պատժամիջոցներ կիրառել Իսրայելի հանցավոր ռեժիմի դեմ, ստիպելու պահպանել միջազգային սկզբունքներն ու կանոնները։
Օգտվելով Սիրիայում տիրող անկայունությունից, Իսրայելը թիրախավորել է երկրի ռազմական տեխնիկայի, հենակետերի և կործանիչների մեծ մասը։
Իսրայելի պաշտոնյաները պնդում են, որ հարձակումների նպատակն է կանխել ծայրահեղական ուժերի հասանելիությունը ռազմավարական զենքին։ Սակայն արևմտյան երկրները, Սիրիայի հարևանները և ՄԱԿ-ը կոչ են արել դադարեցնել այդ հարձակումները:
Դեկտեմբերի 10-ին Սիրիայի հարցով ՄԱԿ-ի հատուկ բանագնաց Գեյր Պեդերսենը Իսրայելի ռեժիմին կոչ արեց դադարեցնել հարձակումները Սիրիայի տարածքի վրա: Յոթնյակի ղեկավարները նույնպես ժամեր առաջ հայտարարություն են տարածել՝ կոչ անելով պահպանել Սիրիայի տարածքային ամբողջականությունը։
