Ի՞նչ տեսք ունեն տարբեր երկրների Ձյունանուշները. արհեստական բանականության պատկերացումները

Ձմեռ պապիկից հետո Ամանորի ամենասպասված ու ամենասիրելի կերպարներն իհարկե Ձյունանուշն է։

Ըստ ռուսական բանահյուսության` Ձյունանուշը Ձմեռ պապի թոռնիկն ու օգնականն է, նա ծնվել է ձյունից և կենդանացել, այստեղից էլ առաջացել  է նրա անունը։

Տարբեր պատմություններում Ձյունանուշը ներկայացվում է տարբեր կերպարներում։ Մեկ նա փոքրիկ երեխա է, մեկ` երիտասարդ աղջնակ։ Նրա կերպարը շատ դեպքերում կախված է նաև տվյալ երկրի ավանդույթներից ու բանահյուսությունից։ Արհեստական բանականությունը պատկերացրել է, թե ինչպիսին կլինեին տարբեր երկրների ձյունանուշիկները։

Գերմանական Ձյունանուշին արհեստական բանականությունն անվանել է Քրիստկինդ, այն կրում է ձյունաճերմակ հանդերձանք, իսկ ձեռքին զամբյուղ է՝ լի քաղցրավենիքով և մրգերով:

Իտալիայից ժամանած Ձյունանուշն այդքան էլ նման չէ մեր պատկերացումների Ձյունանուշին։ Բեֆանան իտալական դիցաբանության կերպարներից է։ Սովորաբար նրան պատկերում են ծեր կնոջ կերպարով ցախավելի վրա։ Բայց արհեստական բանականությունը նրան «երիտասարդացրել» է:

Մոնղոլական Ձյունանուշին արհեստական բանականությունը «հագցրել» է ազգային տարազ ու անվանել Զազան Օխին: 

Հայկական Ձյունանուշը ստացել է Անուշ անվանումը։ Նրան արհեստական բանականությունը պատկերել է մորթյա վերարկուով, որի վրա ոսկե կամ արծաթե ասեղնագործ նախշեր կան:

Ուզբեկական Ձյունանուշը պատկերված է խալաթանման հագուստով, նա կարծես մյուսներից տարբերվում է իր հետաքրքրություններով։ Նկարում Կորգիզը գործվածք է անում:

Բուլղարացի Ձյունանուշին արհեստական բանականությունն անվանել է Սնեժանկա։ Նա պատկերված է ձմեռային սպիտակ գլխարկով, տաք մուշտակով և ձեռնոցներով:

Շվեդական Ձյունանուշը Լյուսիան է, որը թարգմանաբար նշանակում է լույսի թագուհի: Նա փոքրիկ աղջնակ է, երկար սպիտակ զգեստով, կարմիր ժապավենով, իսկ գլխին ՝ մոմերով ծաղկեպսակ

Ռուս Ձյունանուշը տիպիկ սլավոնական արտաքինով աղջնակ է։ Նա ավանդական երկնագույն մուշտակով է, որը զարդարված է ձյան փաթիլներով :

arm.sputniknews