Կալիֆոռնիայում ինքնաթիռ է ընկել դեղորայքի պահեստի վրա․ կան զոհեր և վիրավորներ
ԱՄՆ Կալիֆոռնիայի Ֆուլերտոն քաղաքում դեղորայքի պահեստի վրա ինքնաթիռ է ընկել։ Տեղեկությունը հայտնում են Telegram ալիքները։
Նշվում է, որ ավիավթարի հետևանքով մահացել են օդաչուն և ուղևորը։
Դեպքը տեղի է ունեցել Ֆուլերտոն քաղաքի օդանավակայանից ոչ հեռու։
Թեթև շարժիչով ինքնաթիռը վայրէջքի փորձի ժամանակ անմիջապես պտտվել է դեպի տեղի հիվանդանոցին պատկանող պահեստ։
Շենքում ուժեղ հրդեհ է բռնկվել, տուժել է 18 աշխատակից։
Ներկայում պարզվում են ավիավթարի պատճառները։
Հիշեցնենք, որ ԱՄՆ-ում այս տարվա 3 օրվա ընթացքում նաև ահաբեկչություններ են տեղի ունեցել։ Դրանցից մեկը եղել է հունվարի 2-ին Նյու Յորքի գիշերային ակումբներից մեկի մոտ, կրակոցներ են հնչել։ Դրա հետևանքով 10 մարդ վնասվածքներ է ստացել, բայց կրակողի ինքնությունը դեռևս պարզված չէ։
Հունվարի 1-ին էլ Նոր Օռլեանում մեքենան մխրճվել է բազմության մեջ, 15 մարդ մահացել է, 35-ը` վնասվածքներ ստացել։
Իսկ Լաս Վեգասում` Թրամփի աշտարակի մոտ, «Tesla Cybertrack» է պայթել, որի հետևանքով մեկ մարդ մահացել է, 7-ը՝ վիրավորվել։
arm.sputniknews