Սինոֆոբիա տարածելու միջոցով Ասիային ավելի շատ զենքեր վաճառելու Վաշինգտոնի կրկնվող հնարքը

Ասիայում զենքի վաճառքը մեծացնելու Վաշինգտոնի նպատակը ցույց տվող իր հայտարարություններում, ԱՄՆ պաշտպանության նախարարը պնդեց, որ ԱՄՆ-ի ասիական դաշնակիցները պետք է ավելացնեն իրենց պաշտպանական և ռազմական ծախսերը՝ Չինաստանին սպառնալու համար։

Ինչպես հաղորդում է Pars Today-ը՝ հղում անելով IRNA-ին, ԱՄՆ պաշտպանության նախարար Փիթ Հեգսեթը շաբաթ օրը զգուշացրել է, որ Չինաստանից եկող սպառնալիքը իրական է, և մոտալուտ։Նա  Հնդկա-խաղաղօվկիանոսյան տարածաշրջանում  ԱՄՆ դաշնակիցներին կոչ  է արել  ավելի մեծ բյուջե հատկացնել  իրենց պաշտպանական ծախսերին։

Սինգապուրում կայացած «Շանգրի-Լա» համաժողովում առաջին անգամ ելույթ ունենալով՝  Հեգսեթն ընդգծել է, որ Հնդկա-խաղաղօվկիանոսյան տարածաշրջանը ԱՄՆ նախագահ Դոնալդ Թրամփի վարչակազմի համար առաջնահերթություն է։

Չինաստանի դեմ իր ամենակոշտ հայտարարություններից մեկում Հեգսեթն ասել է. «Չափազանցնելու պատճառ չկա։ Չինաստանից եկող սպառնալիքը իրական է, և կարող է մոտալուտ լինել»։

Նա հավելել է, -«Չինաստանի կողմից Թայվանը նվաճելու ցանկացած փորձ կհանգեցնի Հնդկա-խաղաղօվկիանոսյան տարածաշրջանի և աշխարհի համար կործանարար հետևանքների»։

«Բոլորի համար պետք է պարզ լինի, որ Պեկինը պատրաստվում է ռազմական ուժ կիրառել Հնդկա-խաղաղօվկիանոսյան տարածաշրջանում ուժերի հավասարակշռությունը փոխելու համար», - ասել է Հեգսեթը։

Նա  ավելի վաղ քննադատել է եվրոպական  դաշնակիցներին իրենց պաշտպանության վրա ավելի շատ ծախսեր չանելու համար։ Փետրվարին նա Բրյուսելում ՆԱՏՕ-ի կենտրոնակայանում կայացած մամուլի ասուլիսում զգուշացրեց Եվրոպային, Միացյալ Նահանգներին հիմարի տեղ չդնել։

Վերջին տարիներին Միացյալ Նահանգները, Ասիայում, հատկապես Չինաստանի նկատմամբ աշխարհաքաղաքական լարվածության սրման հետ մեկտեղ, կրկնապատկել է իր ջանքերը՝ տարածաշրջանի երկրներին զենքի վաճառքը մեծացնելու համար։ Վաշինգտոնն ասիական դաշնակիցներին, ինչպիսիք են Ճապոնիան, Հարավային Կորեան, Թայվանը և Ֆիլիպինները, առաջադեմ պաշտպանական համակարգեր և ռազմավարական զենքեր  տրամադրելով՝  միաժամանակ ձգտում է ամրապնդել չինական ազդեցության դեմ զսպումը և պաշտպանել իր տնտեսական շահերը զենքի բարգավաճող շուկայում։ Այս մոտեցումը ոչ միայն ամրապնդել է ԱՄՆ-ի  ռազմական ազդեցությունը տարածաշրջանում, այլև նոր սպառազինությունների մրցավազք է առաջացրել Ասիայում։