Վաշինգտոնում հազարավոր ցուցարարներ պահանջել են Թրամփի հրաժարականը

Հազարավոր ամերիկացիներ շաբաթ երեկոյան դուրս են եկել մայրաքաղաքի փողոցներ՝ բողոքելու նախագահ Դոնալդ Թրամփի՝ Վաշինգտոնում Ազգային գվարդիան տեղակայելու որոշման դեմ։

Տեղական լրատվամիջոցների հաղորդմամբ, ցուցարարները երթով շարժվել են դեպի Սպիտակ տուն՝ վանկարկելով «Հեռացե՛ք Վաշինգտոնից» կարգախոսներ և պահանջելով Թրամփի հրաժարականը։

Բողոքի ակցիան տեղի է ունեցել Թրամփի պառակտիչ քաղաքականության հետևանքով ԱՄՆ-ում քաղաքական և սոցիալական լարված մթնոլորտի ֆոնին։ Ցուցարարները շեշտել են, որ մայրաքաղաքում ռազմական ուժերի ներկայությունը բռնաճնշում է և հակասում է ժողովրդավարական սկզբունքներին։