Եվրոպացի վերլուծաբան․ Ամերիկան տարածաշրջանային անվտանգությունն ապահովելու համար հուսալի գործընկեր չէ
Եվրոպայի Արտաքին հարաբերությունների խորհրդում հետազոտող՝ Չինզիա Բիանկոն «Ալ Ջազիրա»-ին տված հարցազրույցում ասել է․- «Իսրայելի հարձակումը Կատարի վրա տեղի է ունեցել այն դեպքում, երբ այդ երկրում է գտնվում Արևմտյան Ասիայում ամենամեծ ամերիկյան ռազմական բազան, ինչը եւս մեկ անգամ ամրապնդում է այն տեսակետը, որ ԱՄՆ անվտանգության երաշխիքները արժեք չունեն, եւ որ Վաշինգտոնը այլեւս հուսալի գործընկեր չէ տարածաշրջանի անվտանգությունն ապահովելու համար»։
Ինչպես հաղորդում է «Իրան Պրես»-ը, տիկին Բիանկոն հավելել է. «Իհարկե, ոչ ոք չէր սպասում Կատարի վրա Իսրայելի ուղղակի հարձակմանը: Այս աստիճան համարձակությունն ու անամոթությունը իսկապես զարմացրեց բոլորին»:
Բիանկոն նաև խորհուրդ է տվել, որ տարածաշրջանի բոլոր երկրները դիմակայեն սիոնիստական ռեժիմի ագրեսիային:
Եվրոպայի Արտաքին հարաբերությունների խորհրդի հետազոտողի խոսքով՝ «ամերիկյան բազաների և ուժերի տեղակայումը մի ժամանակ համարվում էր արդյունավետ զսպող միջոց, բայց այժմ այդ պատրանքը վերացել է: Պարսից ծոցի համագործակցության խորհրդի արձագանքը կարող է ցույց տալ այն փաստը, որ ամերիկյան անվտանգության երաշխիքները այլևս նույն արժեքը չունեն, ինչ ենթադրում էին տարիներ շարունակ»:
Նա վերջում զգուշացրել է. «Իրականում ոչ մի երկիր անվտանգ չէ, և բոլոր տարբերակները սեղանին են բոլորի համար: Հետևաբար, այս հարցը լուրջ հետևանքներ ունի նաև Սաուդյան Արաբիայի, ԱՄԷ-ի և տարածաշրջանի այլ երկրների համար»:
ՀԱՄԱՍ-ի քաղբյուրոյի մի խումբ անդամներ, որոնք քննարկում էին հրադադարի մասին ԱՄՆ-ի առաջարկը, նահատակվեցին, ինչը համաշխարհային և միջազգային դատապարտման ալիք առաջացրեց: