ԱՄՆ ծրագիրը Վենեսուելայի մոտակայքում գտնվող լքված ռազմածովային բազայի համար
Pars Today – Վենեսուելայի հետ լարվածության աճի ֆոնին, արբանյակային պատկերները ցույց են տալիս, որ ԱՄՆ-ն սկսել է լայնածավալ գործողություն Պուերտո Ռիկոյում լքված ռազմածովային բազայի վերականգնման համար։
Ինչպես հաղորդում է Pars Today-ը՝ հղում անելով Reuters-ին, Ռուզվելտ Ռոուդս նախկին բազայի շինարարական աշխատանքները, որը փակ է եղել ավելի քան 20 տարի, սկսվել են սեպտեմբերի 17-ին և ներառում են դեպի թռիչքուղի տանող ճանապարհների մաքրումն ու նախապատրաստումը։ Այս քայլին զուգահեռ, Վաշինգտոնը նաև ընդլայնում է քաղաքացիական օդանավակայանների ենթակառուցվածքները Պուերտո Ռիկոյում և ԱՄՆ Վիրջինյան կղզիների Սենթ Կրուայում, որոնք գտնվում են Վենեսուելայից մոտավորապես 800 կիլոմետր հեռավորության վրա։
Ամերիկյան «Miami Herald» թերթի հաղորդագրությունը նշում է, որ Վենեսուելայի տարածքում գտնվող թիրախների վրա հարձակման պլանավորումն ավարտվել է, և գործողությունը կարող է սկսվել առաջիկա մի քանի օրերի կամ նույնիսկ ժամերի ընթացքում։
Այս զարգացումները տեղի են ունենում այն ժամանակ, երբ Կարիբյան ավազանում ամերիկյան զորքերի տեղակայումը Վաշինգտոնի և Կարակասի միջև լարվածությունը բարձրացրել է վերջին տարիների ընթացքում ամենաբարձր մակարդակի։ Վենեսուելայի նախագահ Նիկոլաս Մադուրոն մեղադրել է ԱՄՆ-ին «դարի ընթացքում ամենամեծ մայրցամաքային սպառնալիքը» նախապատրաստելու մեջ և զգուշացրել, որ Թրամփը ձգտում է Վենեսուելայի դեմ րականացնել ցամաքային ներխուժ՝ «թմրանյութերի դեմ պատերազմի» քողի տակ։