Ինչո՞ւ արևմտյան ընտրողները այլևս չեն վստահում ժողովրդավարությանը

Ըստ Ipsos-ի նոր հարցման արդյունքների՝ այս պահին արևմտյան երկրների ընտրողներն անվստահություն ունեն ընտրական գործընթացների նկատմամբ և մտահոգություն՝ ժողովրդավարության ապագայի վերաբերյալ։

 Հարցումը, որն անցկացվել է Մեծ Բրիտանիայում, Ֆրանսիայում, ԱՄՆ-ում, Իսպանիայում, Իտալիայում, Շվեդիայում, Խորվաթիայում, Նիդեռլանդներում և Լեհաստանում ավելի քան 9800 մարդկանց շրջանում, ցույց է տալիս, որ հարցվածների միջինում 45%-ը դժգոհ է իրենց երկրում ժողովրդավարությունից։  
Հարցմանը մասնակցած ծայրահեղ աջակողմյան ընտրողները՝ սպեկտրի երկու կողմերում էլ ավելի հակված են, քան մյուսները, հավատալ, որ ժողովրդավարությունը ձախողվել է: Ֆրանսիայում և Նիդեռլանդներում վերջին քաղաքական ճգնաժամերը նույնպես նվազեցրել են հանրային վստահությունը կառավարությունների նկատմամբ, և երկու երկրներում էլ քաղաքացիների գոհունակությունը հասել է տարվա ընթացքում ամենացածր մակարդակին։
Բոլոր երկրներում քաղաքացիների մեծամասնությունը նշել է, որ չի հավատում, որ իրենց ազգային կառավարությունը արտացոլում է իրենց տեսակետները. Խորվաթիայում և Միացյալ Թագավորությունում նման կարծիք հայտնել է հարցվածների 23%-ը: Միացյալ Նահանգներում հարցվածների 61%-ը նշել է, որ  2020 թվականից ի վեր ժողովրդավարության վիճակը վատթարացել է։
Ընտրողների տեսանկյունից ժողովրդավարությանը սպառնացող ամենակարևոր սպառնալիքներն են կեղծ տեղեկատվության տարածումը, կոռուպցիան, քաղաքական գործիչների ցածր հաշվետվողականությունը և ծայրահեղականության աճը։
Հարցման արդյունքները հրապարակվել են  Արևմուտքում ժողովրդավարության ապագայի վերաբերյալ նախազգուշացումների աճի ֆոնին, որոնք ընդգծում են տնտեսական անհավասարության դերը ծայրահեղական շարժումների ամրապնդման և քաղաքական երկխոսության թուլացման գործում: 
Ի պատասխան՝ Եվրոպական հանձնաժողովը ներկայացրել է ԵՄ 27 անդամ պետություններում ժողովրդավարությունն ամրապնդելու ծրագրեր։