Իրանը շեշտում է Կարմիր խաչի չեզոքությունը գլոբալ մարդասիրական հարցերում

Pars Today - Չորեքշաբթի օրը, Կարմիր խաչի միջազգային կոմիտեի Իրաքի գրասենյակի տնօրենի հետ հանդիպման ժամանակ, Բաղդադում Իրանի դեսպանը կարևորել է Կարմիր խաչի չեզոքությունը միջազգային ասպարեզում մարդասիրական հարցերում և անհրաժեշտ է համարել այս կառույցի մուտքը պաղեստինցիների տառապանքներն ու խնդիրները նվազեցնելու համար։

Բաղդադում Իրանի Իսլամական Հանրապետության դեսպան Մոհամմադ Քազեմ Ալ-Սադեղը հանդիպել է Կարմիր խաչի միջազգային կոմիտեի Իրաքի գրասենյակի տնօրեն Էխթիյար Ասլանովի հետ և քննարկել է համագործակցության ամրապնդման ուղիները։ Այս հանդիպմանը, որը տեղի է ունեցել Կարմիր Խաչի գրասենյակի խնդրանքով, Ալ-Սադեղը, նշելով որ Թեհրանը ողջունում է Իրանում միջազգային կառույցների ցանկացած մարդասիրական գործունեություն, կարևորեց Կարմիր Խաչի չեզոք վարքագիծն ու գործողությունները միջազգային ասպարեզում մարդասիրական հարցերում: Իրաքում Իրանի դեսպանը նաև բարձր գնահատեց Կարմիր Խաչի ջանքերն ու գործունեությունը Իրանին պարտադրված ութամյա պատերազմի ընթացքում անհետ կորած անձանց հայտնաբերմանը նպաստելու համար: Այս հանդիպման ժամանակ Էխթիյար Ասլանովը, բացատրելով իր կազմակերպության վերջին չորս տասնամյակների ընթացքում Իրաքում ձեռնարկած որոշ գործողություններ և գնահատելով Իրանի համագործակցությունը, մասնավորապես վերջերս ցուցաբերված օգնությունը, որը հանգեցրել է 87 անհետ կորած իրանցիների և իրաքցիների հայտնաբերմանը և տեղափոխմանը, ասաց. «Մենք ողջունում ենք Իրանի կողմից մարդասիրական իրավունքների պաշտպանության ցանկացած աջակցություն»: