Թեհրանի հայոց թեմը դատապարտել է Գարեգին Բ-ի դեմ դատական գործընթացը

Թեհրանի հայոց թեմը խստորեն դատապարտել է Ամենայն Հայոց Կաթողիկոս Գարեգին Բ-ի դեմ սկսված դատական գործընթացը՝ այն համարելով Հայ Առաքելական Եկեղեցու հոգևոր առաքելության, անկախության և ներքին ինքնավարության նկատմամբ անընդունելի միջամտություն։

Թեմի առաջնորդ Սեպուհ արք. Սարգսյանը հայտարարել է, որ Կաթողիկոսի՝ պետական դատարանի առջև որպես մեղադրյալ ներկայանալու փաստը աննախադեպ և մտահոգիչ է։ Նա կոչ է արել Հայաստանի իշխանություններին դադարեցնել Եկեղեցու նկատմամբ ճնշումները և իր ամբողջական զորակցությունն է հայտնել Գարեգին Բ-ին ու Մայր Աթոռ Սուրբ Էջմիածնին։