Ղալիբաֆ․ պատերազմը թշնամիներին ցույց տվեց Իրանի դիմադրության անպարտելիությունը
հաղորդմամբ՝ Իրանի Իսլամական խորհրդարանի նախագահ Մոհամմադ Բաղեր Ղալիբաֆը, ընդգծելով տարածաշրջանում դիմադրության ուժը, հայտարարել է․ «Ռամադանի պատերազմը»՝ ԱՄՆ-ի և Իսրայելի հարձակումները Իրանի վրա, բոլորին ցույց տվեց, որ Իրանը հզոր ներուժ ունի թշնամիներին դիմակայելու համար»։
Իրաք կատարած այցի սկզբում Ղալիբաֆը Բաղդադի օդանավակայանի մերձակայքում այցելել է դիմադրության ուժերի հրամանատարներ՝ գեներալ Ղասեմ Սոլեյմանիի և Աբու Մեհդի ալ-Մուհանդիսիի զոհվելու վայր։
Նա նշել է, որ Իրաքի դիմադրությունը նույնպես այդ երկրի հզորության կարևոր բաղադրիչներից է, իսկ այսօր դիմադրության գաղափարախոսությունն անցել է Իրանի և Իրաքի սահմաններից ու դարձել համաշխարհային երևույթ։
Ղալիբաֆը հավելել է, որ վերջին զարգացումների արդյունքում Իսրայելի ռեժիմի գործողությունների իրական էությունն ավելի հստակ է դարձել աշխարհի ժողովուրդների համար, և այդ ռեժիմն ավելի քան երբևէ ընկալվում է որպես մարդկության թշնամի։