Չինաստան․ Իրանի հետ մեր համագործակցությունը համապատասխանում է միջազգային օրենքներին
Չինաստանի արտաքին գործերի նախարարությունը, ի պատասխան Իրանի և այդ երկրի առևտրային գործընկերների դեմ պատժամիջոցներն ուժեղացնելու ԱՄՆ-ի սպառնալիքներին, հայտարարել է, որ Պեկինի համագործակցությունը Թեհրանի հետ համապատասխանում է միջազգային օրենքներին։ Այս դիրքորոշումը հնչել է Իրանի նկատմամբ Վաշինգտոնի ճնշման և պատժամիջոցների քաղաքականությանը Չինաստանի շարունակական հակազդեցության շրջանակում։
Pars Today-ը հղում անելով ISNA-ի գործակալությանը, հաղորդել է, Չինաստանի արտաքին գործերի նախարարությունը երեքշաբթի հայտարարել է, որ Չինաստանի համագործակցությունը Իրանի հետ իրականացվում է միջազգային օրենքների շրջանակում։
Այս դիրքորոշումը հնչել է ի պատասխան Իրանի դեմ ավելի լայնածավալ պատժամիջոցներ սահմանելու, ինչպես նաև Թեհրանի առևտրային գործընկերներին թիրախավորելու ԱՄՆ-ի սպառնալիքներին։
Երկուշաբթի ևս Պեկինը նախազգուշացրել էր Իրանի նկատմամբ պատժամիջոցների և ճնշման քաղաքականության հետևանքների մասին՝ ընդգծելով, որ նման մոտեցումը ոչ միայն չի նպաստում տարաձայնությունների կարգավորմանը, այլև կարող է հանգեցնել լարվածության սրմանը։
ԱՄՆ կառավարությունը, հայտարարելով Իրանի դեմ տնտեսական ճնշման նոր փուլի մեկնարկի մասին, նշել է, որ իր նպատակն է կտրել Թեհրանի եկամուտների և ֆինանսական միջոցների հոսքերը, և սպառնացել է, որ Իրանի հետ համագործակցությունը շարունակող երկրները, ընկերություններն ու կազմակերպությունները կենթարկվեն պատժամիջոցների, դոլարային ֆինանսական համակարգին հասանելիության սահմանափակումների և այլ պատժամիջոցների։