«Մեծ քառյակը». ՄԱԿ-ի Անվտանգության խորհուրդը անհապաղ բարեփոխումների կարիք ունի
Հնդկաստանի, Բրազիլիայի, Գերմանիայի և Ճապոնիայի արտաքին գործերի նախարարները կոչ են արել անհապաղ բարեփոխումներ իրականացնել ՄԱԿ-ի Անվտանգության խորհրդում՝ քննադատելով խորհրդի ներկայիս կառուցվածքի անարդյունավետությունը։
Ինչպես հաղորդում է Pars Today-ը՝ ANI India լրատվական գործակալության փոխանցմամբ՝ «Մեծ քառյակի» երկրների արտաքին գործերի նախարարները հայտարարել են, որ Անվտանգության խորհուրդն իր ներկայիս վիճակում ի վիճակի չէ արդյունավետորեն կատարել միջազգային խաղաղության և անվտանգության պահպանման իր հիմնական պատասխանատվությունը։
«Մեծ քառյակի» հայտարարության մեջ նշվում է, որ Անվտանգության խորհրդի ներկայացվածությունը, լեգիտիմությունը, հեղինակությունն ու արդյունավետությունը մարտահրավերների են բախվում։ Նրանց խոսքով՝ այս իրավիճակի պատճառը կառույցի «ութ տասնամյակների հնացած կառուցվածքն» է։
Հնդկաստանը, Բրազիլիան, Գերմանիան և Ճապոնիան տարիներ շարունակ ձգտում են Անվտանգության խորհրդում մշտական տեղ ստանալ և բարեփոխել այդ կառույցի կառուցվածքը։