Վառելիքի ճգնաժամը Եվրոպայում՝ լցակայանների փակումից մինչև վառելիքի հնարավոր սահմանափակումներ
Եվրոպայի որոշ հատվածներում դիզելային վառելիքի պակասը հանգեցրել է վառելիքի լցակայանների փակման և վառելիքի սահմանափակման հնարավորության վերաբերյալ մտահոգությունների աճի։ Բրիտանացի նախկին դիվանագետ Ալեսթեր Քրուքի խոսքով՝ ճգնաժամն այլևս միայն գների աճի խնդիրը չէ․ հիմնական հարցը վառելիքի հասանելիությունն է։
Pars Today-ը հայտնում է, որ Քրուքը նախազգուշացրել է՝ դիզելային վառելիքի պակասն իրական է, և դրա հետևանքներն արդեն նկատելի են եվրոպական մի շարք երկրներում։ Նրա խոսքով՝ Ֆրանսիայում դիզելային վառելիքի պակասի հետևանքով մի շարք լցակայանների փակվելը հանգեցրել է բախումների։
Քրուքը նաև նախազգուշացրել է Անգլիայում ստեղծված իրավիճակի վերաբերյալ՝ նշելով, որ ճգնաժամի շարունակվելու դեպքում երկրի կառավարությունը կարող է գնալ վառելիքի սպառման սահմանափակման ճանապարհով։ Վառելիքի սպառումը սահմանափակելու նպատակով քննարկվող մեկ այլ տարբերակ է նաև թույլատրելի առավելագույն արագությունը ժամում 50 մղոն սահմանելը։