Հանվեց Ռուսաստանի և ՆԱՏՕ-ի միջև եղած բանավոր վետոն. քաղաքագետ

Գլոբալիզացիայի և տարածաշրջանային համագործակցության վերլուծական կենտրոնի ղեկավար, քաղաքագետ Ստեփան Գրիգորյանը Վարշավայում տեղի ունեցած ՆԱՏՕ-ի գագաթնաժողովը շատ կարևոր է համարում:

Նրա կարծիքով՝ գագաթնաժողովի ժամանակ հստակ լուծվեցին երկու խնդիրներ: Առաջինը՝ ՆԱՏՕ-ն մշտական հիմունքներով զինված ուժեր է տեղակայում Մերձբալթյան երկրներում և Լեհաստանում, ինչը մինչև այդ չէր նախատեսվել:

«Այս ձևով Լեհաստանը և Մերձբալթյան երկրները դառնում են ՆԱՏՕ-ի լիարժեք անդամ: Հանվեց Ռուսաստանի և ՆԱՏՕ-ի միջև եղած այն բանավոր վետոն, որով վերջինիս ուժային կառույցները չեն տեղափոխվելու այն երկրներ, որոնք սահմանակից են Ռուսաստանին: Շատ հստակ ֆիքսվեց, որ Վրաստանը կդառնա ՆԱՏՕ-ի անդամ: Նաև հստակ ասվեց, որ Ուկրաինայի հետ լուրջ համագործակցություն կլինի»,- «Արմենպրես»-ի փոխանցմամբ՝ նշեց քաղաքագետը:

lratvakan.am

12/7/2016