Ֆրանսիայի սուպերմարկետներին արգելեցին դեն նետել սննդամթերքը
Ֆրանսիայում ուժի մեջ Է մտել օրենքը, որը սուպերմարկետներին արգելում Է դեն նետել սննդամթերքը, հաղորդում Է «Արմենպրես»-ը՝ հղում անելով iTele հեռուստաալիքին:
Փետրվարի 5-ից խոշոր խանութները պարտավոր են պիտանելիության ժամկետը լրացող մթերքները հանձնել բարեգործական կազմակերպություններին, իսկ նրանք՝ կարիքավորներին:
Սենատի կողմից հավանության արժանացած փաստաթուղթը պատիժ Է նախատեսում այն սուպերմարկետների համար, որոնք կոչնչացնեն սննդամթերքը (պատիժները չեն կոնկրետացվում): Նշվում Է, որ նախքան օրենքի ընդունումը առեւտրական կետերը ոչ միայն թափում Էին մթերքները, այլեւ միտումնավոր այնպես Էին անում, որ դրանք պիտանի չլիենեն անօթեւան մարդկանց օգտագործման համար:
Ֆրանսիացի խորհրդարանականներից մեկը, որը հավանություն Է տվել այս փաստաթղթին, նշել Է, որ նոր կանոնները թույլ կտան կերակրել 10 միլիոն կարիքավորների:
Ֆրանսիան աշխարհում դարձել Է առաջին երկիրը, որն այսպիսի օրենք Է ընդունել: Ակտիվիստները, որոնք առաջ Էին տանում այս նախաձեռնությունը, մտադիր են այդ պրակտիկան տարածել Եվրամիության նաեւ մյուս պետություններում:
ՄԱԿ-ի Պարենավորման եւ գյուղատնտեսական կազմակերպության տվյալներով՝ 2015 թվականին աշխարհում կար սովից տառապող շուրջ 790 միլիոն մարդ:
