Փեգիդա հակաիսլամական շարժումը ցույց է կազմակերպել Եվրոպայի ամբողջ տարածքում
Փեգիդա հակաիսլամական շարժումը կենտրոնանալով Գերմանիայի Զաքսեն նահանգի Դրեսդեն քաղաքում համընդհանուր ցույցեր է կազմակերպում Եվրոպայի ամբողջ տարածքում:
Գերմանիայում հաստատված Փեգիդա շարժմանը կապված խմբեր շաբաթ օրը մուսուլման փախստականների դեմ ցույցեր կազմակերպեցին Եվրոպայի տարբեր երկրներում:
Փեգիդա նեոնացիստական շարժումը փետրվարի 6-ը «Եվրոպայի խրամատ»-ի օր էր հռչակել և իր բոլոր կողմնակիցներին կոչ էր այդ մայրցամաքի տարբեր քաղաքներում փողոցներ դուրս գալ:
Այս կապակցությամբ շուրջ 15 հազար հոգի մասնակցեց 2014 թվականին Փեգիդա շարժման հիմնադրման վայրը համարվող Գերմանիայի Դրեսդեն քաղաքում կազմակերպված հանրահավաքին:
Բողոքարարները վանկարկում էին «Մերկելը պիտի գնա» կարգախոսը: Նրանք նաև հայտարարեցին փախստականների հանդեպ Մերկելի վարած բաց դռների քաղաքականության հանդեպ իրենց հակառակությունը:
Փեգիդա շարժման կողմնակիցների հանրահավաքների հետ միաժամանակ շուրջ 10 հազար ձախակողմյան ու հակաֆաշիստ ակտիվիստներ Դրեսդեն քաղաքը երկու մասի բաժանող Ալբա գետի մյուս ափին հակաիսլամական այս շարժման դեմ ցույց կատարեցին:
Վերջին հաղորդումների համաձայն շաբաթ օրը տասնյակ հազարավոր քաղաքացիներ եվրոպական առնվազն 14 երկրներում ցույցեր կազմակերպեցին, որոնցից վեցի պարագային ոստիկանության ուժերի միջամտությունը հանգեցրեց բախումների:
Նիդերլանդների մայրաքաղաք Ամեստերդամում ոստիկանության հակախռովարարական ուժերը բախվեցին այդ երկրում Փեգիդայի առաջին հանրահավաքին մասնակցած ցուցարարների հետ և բերման ենթարկեցին այդ շարժման մի քանի կողմնակիցների:
Առավել մեծ ցույցեր են տեղի ունեցել Չեխական հանրապետության մայրաքաղաք Պրահայում, Իռլանդիայի մայրաքաղաք Դուբլինում, Բրիտանիայի Բիրմենգամ և Ֆրանսիայի հյուսիսում գտնվող Քալե քաղաքներում:
