Ցույցեր Կոնգոյում. զոհեր կան

Կոնգոյի մայրաքաղաք Կինշասայում բողոքի ակցիայի մասնակիցների եւ ոստիկանների միջեւ բախումների հետեւանքով 8 մարդ է զոհվել: Այս մասին գրում է Reuters-ը՝ վկայակոչելով ոստիկանության ներկայացուցչին:

Զոհերից 5-ը ցուցարարներ են, 3-ը՝ ոստիկաններ: Իրավապահներից երկուսին ցուցարարներն այրել են: Միաժամանակ, AFP-ն հաղորդում է 17 զոհի մասին:

Ավելի վաղ հաղորդվել էր, որ երկրի նախագահ Ջոզեֆ Կաբիլայի դեմ անցկացվող ակցիայի ժամանակ ոստիկանները կրակ են բացել ցուցարարների ուղղությամբ: Ընդդիմությունը հայտարարում է, որ Կաբիլան ցանկանում է հետաձգել նոյեմբերին նախանշված ընտրությունները՝ իր լիազորությունների ժամկետը երկարացնելու համար:

Ցույցեր են անցկացվում Կոնգոյի բազմաթիվ քաղաքներում՝ չնայած իշխանությունները հերքում են ընդդիմության պնդումները:

News.am