Ֆիդել Կաստրոն և Սինձո Աբեն կոչ են արել ոչնչացնել միջուկային զինանոցը

Կուբայի հեղափոխության առաջնորդ Ֆիդել Կաստրոն և Ճապոնիայի վարչապետ Սինձո Աբեն համաշխարհային հանրությանը կոչ են արել «ամրապնդել միջուկային զենքի ոչնչացմանն ու խաղաղության պահպանմանն ուղղված ջանքերը»: Այս մասին հայտնում է Granma թերթը:

Կուբացի 90-ամյա քաղաքական գործիչը Հավանայում հանդիպել է Ճապոնիայի ղեկավարի հետ, որը կղզում է պաշտոնական այցով: Զրուցակիցները քննարկել են «բարդ մթնոլորտն աշխարհում և դրան սպասող վտանգները»:

«Անկեղծ երկխոսության ընթացքում» Կաստրոն և Աբեն նաև ընդգծել են «երկու ժողովուրդների բազմադարյա բարեկամական կապերը, որոնք շարունակվում են զարգանալ»:

1in.am