Ադրբեջանում Լուկաշենկոյին շնորհել են «Հեյդար Ալիև» շքանշան

Բելառուսի նախագահ Ալեքսանդր Լուկաշենկոն, որը երկօրյա այցով գտնվում է Ադրբեջանում, Բաքվում կայացած հանդիսավոր միջոցառման ժամանակ ստացել է «Հեյդար Ալիև» շքանշան։

Ինչպես հաղորդում է Belta բելառուսական գործակալությունը, Լուկաշենկոյին շքանշանը հանձնել է Ադրբեջանի նախագահ Իլհամ Ալիևը՝ երկու երկրների միջև բարեկամության և համագործակցության զարգացման գործում ունեցած հատուկ ավանդի համար։

Ավելի վաղ Լուկաշենկոն հայտարարել է, որ Ադրբեջանը կարող է հույսեր կապել Բելառուսի հետ՝ որպես ամենամոտ ընկերոջ։

1in.am