Ռուս քննիչները ժամանել են Թուրքիա

Ռուսաստանի Արտգործնախարար Սերգեյ Լավրովն ասել է.-«Անկարայում ՌԴ դեսպանի սպանության վերաբերյալ հետաքննություն անցկացնելու նպատակով, Ռուսաստանի քննիչները մեկնել են Թուրքիա»:

«Ֆրանս Պրես»-ի հաղորդման համաձայն՝  Սիրիայի ճգնաժամի քննարկման հարցով Մոսկվայում կայացած եռակողմ հանդիպման շրջանակում, Սերգեյ Լավրովն ասել է.-«Ռուսաստանի և Թուրքիայի նախագահները համաձայնության են եկել` համատեղ հետաքննություն անցկացնել Անկարայում ՌԴ դեսպան Անդրեյ Կարլովի սպանության վերաբերյալ»:

Թուրքիայի արտաքին գործերի նախարար Մեվլութ Չավուշողլուն   ասել է.-«Անկարայում Ռուսաստանի դեսպանատան դիմացի փողոցը այսուհետ կկոչվի Անդրեյ Կարլովի անունով»: