Մեքսիկայի մայրաքաղաքը փոխում է կարգավիճակը և դառնում նոր նահանգ
Մեքսիկայի խորհրդարանը հավանություն է տվել մայրաքաղաքի վերաբերյալ քաղաքական բարեփոխմանը, որը փոխում է նրա կարգավիճակը և դաշնային մայրաքաղաքային շրջանի տեղում նոր նահանգ ստեղծում, փոխանցում է РИА Новости-ն:
Մինչ այդ պահը Մեքսիկայում գոյություն ուներ 31 նահանգ և առանձին տարածքային միավորում` դաշնային շրջան, որն ուներ հատուկ կարգավիճակ: 1824-ից ի վեր այդ առանձնահատուկ տարածքային միավորը Մեքսիկայի կենտրոնական իշխանությունների տեղակայման վայրն էր և ոչ մի նահանգի չէր պատկանում:
«Նոր փուլ է սկսվում Մեխիկոյի կյանքում, որը հիմնված է Սահմանադրության վրա և համապատասխանում է մեր արժեքներին և հույսերին»,- գրել է դաշնային շրջանի ներկայիս ղեկավար Միգել Անխել Մանսերան:
Բարեփոխումն իսկապես ավելի շատ հնարավորություններ է տալիս Մեխիկոյին որպես իրավահավասար տարածքային սուբյեկտի: Օրինակ՝ քաղաքը կարող է ընդունել իր Սահմանադրությունը, նա ստանում է ֆինանսական և հարկային անկախություն կենտրոնական իշխանությունների որոշումներից: Կփոփոխվի նաև Մեխիկոյի տարածքային վարչական բաժանումը, որը չի կորցնի մայրաքաղաքի իր կարգավիճակը։
