Եվրոպայի մի քանի քաղաքներում բողոքում են Թրամփի դեմ
Ուրբաթ օրը, Եվրոպայի մի քանի մեծ քաղաքներում, այդ թվում` Լոնդոնում, Բրյուսելում ու Բեռլինում, հարյուրավոր բողոքարարներ բողոքի ցույց են անցկացրել` ԱՄՆ-ի նոր նախագահ Դոնալդ Թրամփի քաղաքականությունների դեմ:
Համաձայն Իրանի Ռադիո-հեռուստատեսության լրատվական գործակալության հաղորդման, Բրիտանիայի մայրաքաղաք Լոնդոնում կայացած ցույցի մասնակիցները կրոմ էին պաստառներ, որոնց վրա գրված էր «Կամուրջ կառուցենք, ոչ թե պատ» կարգախոսը: Ցույցը կազմակերպել էր «Կամուրջ, ոչ թե պատ» շարժումը, որի անունը կապված է Մեքսկայի սահմանին պատ կառուցելու վերաբերյալ Թրամփի հայտարարության հետ:
Ի դեպ, ԱՄՆ-ի նոր նախագահի քաղաքականությունների դեմ բողոքի նման հանրահավաք է կազմակերպվել նաև Լոնդոնում ԱՄՆ-ի դեսպանատան դիմաց:
Միևնույն ժամանակ Բելգիայի մայրաքաղաք Բրյուսելում հարյուրավոր քաղաքացիներ, ընդունելով իրավապաշտպան ու շրջակա միջավայրի պաշտպան մի քանի խմբերի, ձախակողմյան կուսակցությունների և կանանց կողմնակից կազմակերպությունների հրավերը, համախմբվելով քաղաքի կենտրոնում, բողոքել են Թրամփի քաղաքականությունների դեմ:
Գերմանիայի մայրաքաղաք Բեռլինում, հարյուրավոր ցուցարարներ, այդ թվում` ամերիկացիներ, ուրբաթ երեկոյան համախմբվելով «Այլընտրանք Գերմանիայի համար»՝ «AFD» աջակողմյան ու պոպուլիստ կուսակցության գրասենյակի դիմաց, իրենց հակառակությունն են հայտնել Թրամփի քաղաքականություններին:
