Թրամփ. Պատի կառուցումը կհզորացնի Մեքսիկայի տնտեսությունը
ԱՄՆ նոր նախագահը հայտարարել է, թե Մեքսիկայի հետ սահմանին պատի կառուցումը կհզորացնի այդ երկրի տնտեսությունն ու անվտանգությունը:
«Ալ-Ալամ»-ի հաղորդման համաձայն, չորեքշաբթի օրը ԱՄՆ-ի ներքին անվտանգության նախարարության աշխատակազմի հետ հանդիպման ժամանակ Թրամփն ասել է. «Այս նախարարության գլխավոր առաքելությունն ԱՄՆ-ում օրենքի իրագործումն է»:
Նա նաև անդրադարձել է ներգաղթի կապակցությամբ ստորագրած երկու գործադրական հրամանագրերին: «Այս հրամանագրերը ԱՄՆ-ում փրկելու են հազարավոր մարդկային կյանքեր ու միլիոնավոր աշխատատեղեր և միլիարդավոր դոլար խնայողության պատճառ են դառնալու».ասել է նա:
ԱՄՆ-ի նախագահի ստորագրած երկու հրամանագրերով 30 օրվա ժամկետով ժամանակավորապես դադարեցվել է Իրանի, Իրաքի, Սիրիայի, Լիբիայի, Սումալիի, Սուդանի ու Եմենի քաղաքացիներին մուտքի վիզայի տրամադրումը և ԱՄՆ-ի հետ Մեքսիկայի սահմանին պատ կառուցելու հրաման է արձակվել:
ԱՄՆ պետքարտուղարությունը չորեքշաբթի օրը հայտարարեց, որ Դոնալդ Թրամփը կասեցրել է Գազայի հատվածի վերակառուցմանը 220 միլիոն դոլար հատկացվելու կապակցությամբ այդ երկրի նախկին կառավարության կողմից տրված խորհրդանշական խոստումի գործադրումը:
