«Freedom House» կազմակերպությունը բողոքել է Ալե Խալիֆայի ռեժիմի դեմ
Վաշինգտոնում տեղակայված «Freedom House» միջազգային իրավապաշտպան կազմակերպությունը քննադատել է Բահրեյնի ժողովրդի նկատմամբ Ալե Խալիֆայի վարչակարգի անվտանգության ուժերի կողմից կիրառվող բռնությունները և բողոքել է դրանց դեմ:
Ինչպես հաղորդում է «ՌԱՍԱ» լրատվական գործակալությունը, «Freedom House» կազմակերպությունը հրապարակել է հաղորդագրություն,որում հայտարարել է,որ բահրեյնցի ցուցարարների ուղղությամբ Ալե Խալիֆայի ռեժիմի անվտանգության ուժերի հրաձգությունն անօրինական է: «Ալե Խալիֆայի անվտանգության ուժերի վերաբերմունքը վկայում է ժողովրդի նկատմամբ բռնություններ կիրառվելու մասին, ինչը դեմ է մարդու իրավունքների օրենքներին և պետք է անհապաղ դադարեցվի»:
Տարբեր երկրների ժողովուրդները, մասնավորապես մարդու իրավունքների ակտիվիստներն իրենց զայրույթն ու ատելությունն են հայտնել Ալե Խալիֆայի հակամարդկային քայլերի դեմ:
2011 թվականի փետրվարի 14-ից ի վեր Բահրեյնում ժողովուրդը Ալե Խալիֆայի դեմ բողոքի ցույցեր է անցկացնում: Ժողովուրդը պահանջում է երկրում հաստատել ազատություն ու արդարություն և վերջ դնել խտրականությանը: Նրանք պահանջում են երկրում իշխանության գա իրենց կողմից ընտրվող համակարգ:
