Գիտնականները Եվրոպայի համար «սուպերհրաբխի» ժայթքում են կանխատեսում

Իտալիայի եւ Ֆրանսիայի գիտնականները համարում են, որ Եվրոպային սպառնում է լայնածավալ բնական աղետ «սուպերհրաբուխի» տեսքով։

Նման եզրակացության գիտնականները հանգել են Նեապոլից ոչ հեռու գտնվող քնած հրաբուխը ուսումնասիրելուց հետո, հաղորդում է Informing–ը։

Ուսումնասիրությունների ընթացքում գիտնականները հայտնաբերել են անխուսափելի ժայթքման առաջին նշանները։ Սեյսմոլոգներին հաջողվել է պարզել, որ հրաբխի խառնարանի տակ կուտակվել են ճնշման տակ գտնվող մեծ ծավալով գազեր։ Նրանց խոսքով, նոր ժայթքումը կարող է ընդմիշտ փոխել Եվրոպան։ Նրանց գնահատմամբ, հրաբուխի զոհը կարող է դառնալ մինչեւ 500 հազար մարդ։ Սակայն երբ դա կարող է լինել, գիտնականները դժվարանում են կանխատեսել։

Հարկ է նշել, որ վերջին անգամ Եվրոպայում ամենամեծ հրաբուխը ժաթքել էր 39 հազար տարի առաջ։ Արդյունքում Երկրի երեսեից վերացան նեանդերթալացիները:

news.am